12.10.2026 | 12:48
Առաջարկում եմ COP17-ը նվիրել Գագիկ Ծառուկյանի սատկած առյուծի հիշատակին․ Ղազարյան․ ՏԵՍԱՆՅՈՒԹ
Լիբանանում բողոքի ակցիաների արդյունքում 2 նախարար է հրաժարական տվել
Քաղաքականություն
10.08.2020 | 13:45
Բեյրութի նավահանգստում հզոր պայթյունից հետո կառավարության նկատմամբ ճնշումները շարունակում են աճել: Երեկ տեղի ունեցած զանգվածային հակակառավարական բողոքի ցույցերի ֆոնին միանգամից 2 նախարար է հրաժարական ներկայացրել, հաղորդում է Deustche Welle-ն։
Աղբյուրի փոխանցմամբ՝ հրաժարական են տվել Լիբանանի տեղեկատվության նախարար Մանալ Աբդել Սամադին ու շրջակա միջավայրի և վարչական զարգացման նախարար Դամիանոս Կատարը:
««Անպտուղ կառավարությունը» բազմաթիվ ձախողումներ է ունեցել»,- հրաժարականի մասին հայտարարելով՝ նշել է շրջակա միջավայրի նախարարը: Նա նշել է, որ այժմ երիտասարդության հետ է հույսեր կապում։
Ավելի վաղ Լիբանանի վարչապետը հայտարարել էր, որ օգոստոսի 10-ին կառավարությանը կառաջարկի արտահերթ ընտրություններ անցկացնել։ Իր հերթին, Լիբանանի խորհրդարանի նախագահ Նաբիհ Բըրրին, ըստ NNA պետական լրատվական գործակալության, հայտարարել է, որ օգոստոսի 13-ին արտահերթ ժողով է գումարելու, որի ընթացքում կառավարությանը պետք է զեկուցի մայրաքաղաքում տեղի ունեցած «հանցագործության» մասին:
Նելլի Մելքոնյան
