17.09.2026 | 23:16
ԱԹՍ-ի հարվածի ենթարկված թուրքական նավի տերը Միջազգային քրեական դատարան բողոք է ներկայացրել Ուկրաինայի դեմ
Լուկաշենկոն հավաքել է ձայների 81,35%-ը. Բելառուսի ԿԸՀ
Քաղաքականություն
10.08.2020 | 11:25
Կիրակի օրը՝ օգոստոսի 9-ին, Բելառուսում ավարտվել են նախագահական ընտրությունները, որին գրանցվել է մասնակցության բարձր ցուցանիշ` 79%: «Էքզիթ փոլի» նախնական տվյալների հրապարակումից հետո, որի համաձայն՝ երկրի գործող նախագահ Ալեքսանդր Լուկաշենկոն հաղթանակ է տարել ընտրություններում` հավաքելով ձայների 79,7%-ը, երկրում իրավիճակը սրվել է. ընտրողները ընդդիմության կոչով սկսել են հավաքվել ընտրատեղամասերի առաջ «վերահսկելու համար ձայների հաշվարկը», մի շարք քաղաքներում ձերբակալություններ են տեղի ունեցել, իրավապահները սկսել են ցրել ցուցարարներին. գրում է «ՌԻԱ Նովոստի»-ն:
Ըստ ԿԸՀ նախնական տվյալների՝ Լուկաշենկոն հավաքել է ձայների 81,35, Սվետլանա Տիխանովսկայան՝ 8%-ը:
«Էքզիթ փոլի» նախնական տվյալների համաձայն` Լուկաշենկոն հավաքել է ձայների 79,7%-ը, երկրորդ տեղում 6,8% ցուցանիշով Սվետլանա Տիխանովսկայան է: Նմանատիպ արդյունք է ցույց տվել նաև Ecoom ընկերության հեռախոսային հարցումը. այս հարցման տվյալների համաձայն՝ Լուկաշենկոն հավաքել է ձայների 78,9%-ը:
Ընդդիմության ներկայացուցիչները հայտարարել են ձայների հաշվարկի ժամանակ կոպիտ խախտումների մասին: Նրանք կոչ են արել իրենց կողմնակիցներին, բացի ընտրատեղամասերից, հավաքվել նաև Մինսկի Հաղթանակի հրապարակում:
Բազմաթիվ ձերբակալություններ են տեղի ունեցել նաև Վիտեբսկում, Բրեստում և Գրոդնոյում:
