21.05.2026 | 18:45
ՄՈԳՈ-ն զարգանում է մարզերում․ Վանաձորի մասնաճյուղը՝ նոր տեսքով ու հնարավորություններով․ ՏԵՍԱՆՅՈՒԹ
Լիբանանի հայկական եկեղեցիներում պայթյունի հետևանքով զոհվածների հիշատակին հոգեհանգստի կարգ կկատարվի
Հասարակություն
07.08.2020 | 17:47
Լիբանանի Հայոց թեմի բոլոր եկեղեցիներում օգոստոսի 4-ին Բեյրութում տեղի ունեցած պայթյունի հետևանքով զոհվածների հիշատակին հոգեհանգստի կարգ կմատուցվի: Այս մասին տեղեկանում ենք Լիբանանի ազգային առաջնորդարանից:
«Առաջիկա կիրակի՝ օգոստոս 9-ին, Լիբանանի Հայոց թեմի բոլոր եկեղեցիներում հոգեհանգստի կարգ կկատարվի՝ ի հիշատակ պայթյունի պատճառով զոհվածների»,- նշված է հաղորդագրությունում:
Եկեղեցիներում նաև աղոթք կհնչի պայթյունի հետևանքով վիրավորված մարդկանց առողջության համար:
Հիշեցնենք, որ վերջին տվյալներով՝ Բեյրութի նավահանգստում օգոստոսի 4-ին տեղի ունեցած պայթյունի հետևանքով զոհված հայերի թիվը հասել է 13-ի, շուրջ 300 վիրավոր կա։
