09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Ողբերգական վթար Սյունիքում․ մեքենան բախվել է երկաթե արգելապատնեշներին և 80 մետր գլորվելով՝ հայտնվել գետում. զոհ և վիրավորներ կան
Հասարակություն
07.08.2020 | 12:59
Սյունիքի մարզում խոշոր ավտովթար է տեղի ունեցել։ Ժամը 07։00-ի սահմաններում 24-ամյա Գարիկ Ս․-ն իր վարած Ford Transit մակնիշի ավտոմեքենայով Երևան-Երասխ-Մեղրի ավտոճանապարհի 181.5 կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել երկաթբետոնե արգելապատնեշներին և մոտ 80 մետր շրջվելով՝ հայտնվել գետում։ Այս մասին հաղորդում է shamshyan.com-ը։
Վթարի հետևանքով վարորդը և ուղևորներից մեկը՝ 33-ամյա Ժաննա Ղ․-ն, մարմնական վնասվածքներով տեղափոխվել են «Սիսիան» բժշկական կենտրոն, իսկ մյուս ուղևոր՝ 24-ամյա Ալիկ Ս․-ն, տեղում մահացել է։
Դեպքի վայր ժամանած փրկարարները ձորից դուրս են բերել մահացածի դին, հոսանքազրկել են ավտոմեքենան և սահմանազատել տարածքը։
Փաստի առթիվ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով։
Աղբյուրի տեղեկություններով՝ մահացածն ու վիրավոր վարորդը երկվորյակ եղբայրներ են, իսկ կինը՝ նրանց քույրը։
