19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Բեյրութում տեղի ունեցած պայթյունի զոհերի թիվը հասել է 149-ի
Քաղաքականություն
07.08.2020 | 12:15
Բեյրութի նավահանգստում օգոստոսի 4-ին տեղի ունեցած հզոր պայթյունի հետևանքով զոհերի թիվը հասել է 149-ի, ավելի քան 5 հազար վիրավոր կա։ Այս մասին հայտնել է լիբանանյան L’Orient-Le Jour պարբերականը՝ վկայակոչելով Լիբանանի Առողջապահության նախարարության իր աղբյուրին, գրում է ՏԱՍՍ-ը։
Ավելի վաղ հաղորդվում էր 145 զոհի մասին։
Պայթյունի ալիքը հարյուրավոր շենքեր է ոչնչացրել և վնասել, ավելի քան 300 հազար մարդ առանց տանիքի է մնացել։
Լիբանանի ՆԳՆ-ի տվյալներով՝ ողբերգության պատճառը զոդման աշխատանքների ընթացքում բռնկված ավելի քան 2.7 հազար տոննա ամոնիումի նիտրատի հրդեհն է, որը մաքսային ծառայություններն առգրավել էին վեց տարի առաջ։
Ողբերգական պատահարից հետո նավահանգստի վարչակազմի 16 անդամ է ձերբակալվել, այդ թվում՝ տնօրենը։ Իշխանությունները խոստացել են հնարավորինս արագ ավարտել պատահարի հանգամանքների հետաքննությունը։
Նշենք, որ Բեյրութում երկշաբաթյա արտակարգ դրություն է սահմանվել։
