Քաղաքականություն
06.08.2020 | 22:06
Ադրբեջանում COVID-19 կորոնավիրուսով վարակի 144 նոր դեպք է արձանագրվել: Այս մասին հաղորդում են ադրբեջանական լրատվամիջոցները՝ վկայակոչելով երկրի օպերատիվ շտաբը:
«Այսօր Ադրբեջանում ևս 144 վարակակիր է արձանագրվել: Միաժամանակ, 435 մարդ առողջացել և դուրս է գրվել հիվանդանոցներից: 3 քաղաքացի մահացել է»,- նշել են շտաբում:
Այսպիսով, ընդհանուր առմամբ, Ադրբեջանում կորոնավիրուսով վարակվածների թիվը 33.247 է, 29.274 մարդ առողջացել է, 479 մահ է արձանագրվել:
Հատուկ ռեժիմի հիվանդանոցներում ներկայում 3.493 հիվանդ կա:
