01.04.2026 | 17:33
Քննչական կոմիտեի նախագահի հրամանով 30 քննիչ է նշանակվել
Անձնական օգտագործման դեղերի՝ քիչ քանակությամբ ներմուծման դեպքում ԱՆ թույլտվությունն անհրաժեշտ չի լինի
Քաղաքականություն
06.08.2020 | 19:19
Անձնական օգտագործման դեղերի քիչ քանակության ներմուծման դեպքում անհրաժեշտ չի լինի ՀՀ Առողջապահության նախարարության թույլտվությունը: Կառավարությունն այսօր 28.02.2019 թվականի թիվ 202-Ն որոշման մեջ համապատասխան լրացումներ կատարելու մասին որոշում է ընդունել։
Ըստ Առողջապահության նախարարության՝ այսպիսով, փոխադրող կազմակերպությունների կողմից կամ միջազգային փոստային փոխադրումներով ֆիզիկական անձի անունով ներմուծվող անձնական օգտագործման դեղերը առանց հավաստագրի կարող են ներմուծել առանց Առողջապահության նախարարության հատուկ թույլտվության` տարվա ընթացքում մեկ անգամ «մինչև 5 անվանում, յուրաքանչյուրից` երեքական սպառողական փաթեթ» քանակով:
Ներմուծման ժամանակ նախարարության թույլտվությունը պարտադիր է, եթե սահմանված քանակները գերազանցվում են: Այս դեպքում թույլտվությունը տրվում է գործող կարգի 49-52-րդ կետերի համաձայն` անհրաժեշտ փաստաթղթերի առկայության դեպքում:
