29.08.2026 | 17:37
Պաշտոնանկություններ 3 նախարարություններում․ Նիկոլ Փաշինյանը որոշումներ է ստորագրել
Եվրամիությունը 33 միլիոն եվրոյի օգնություն կհատկացնի Լիբանանին
Քաղաքականություն
06.08.2020 | 17:05
Եվրամիությունը 33 մլն եվրո կհատկացնի Լիբանանին՝ որպես օգնություն պայթյունից հետո Բեյրութի վերականգնման համար։ Այս մասին հայտնել է Եվրահանձնաժողովի նախագահ Որսուլա ֆոն դեր Լեյենը Լիբանանի վարչապետ Հասան Դիաբի հետ հեռախոսազրույցում, տեղեկացնում է DW-ի ռուսական ծառայությունը։
Հետագա օգնություն ցուցաբերելու մասին որոշումը կկայացնի Եվրահանձնաժողովը՝ հումանիտար իրավիճակին համապատասխան, հստակեցրել է Ուրսուլա ֆոն դեր Լեյենը:
Նշենք, որ օգոստոսի 5-ին ԵՄ-ն Լիբանան է ուղարկել ավելի քան հարյուր մասնագետի և բժշկական սարքավորումներ: Եվրահանձնաժողովի պաշտոնական հայտարարության համաձայն՝ Դիաբի հետ հեռախոսազրույցում ԵՀ նախագահը նաև առաջարկել է քիմիական, կենսաբանական և ատոմային վերլուծությունների մասնագետների ևս մի քանի խումբ ուղարկել Լիբանան և երկրին տրամադրել ռազմանավ՝ ուղղաթիռով, վիրավորներին արագ բժշկական օգնություն ցուցաբերելու համար:
Բացի այդ, Եվրահանձնաժողովի ղեկավարը և Լիբանանի վարչապետը քննարկել են երկրի վերակառուցման գործընթացում Լիբանանին ԵՄ-ի կողմից երկարաժամկետ օգնություն տրամադրելու հնարավորությունը:
