14.12.2025 | 10:52
Ինքնաթիռով տեղափոխումը անցանկալի հետևանքներ կունենար․ նոր մանրամասներ՝ Նոր Նորքում հայտնված «Կարմիր մահիկի» մեքենայի մասին
Ամուլսարում ոստիկանները պատրաստ են ցանկացած պահի բռնություն կիրառելու, մարդկանց տրորելու․ Անդրիաս Ղուկասյան․ ՏԵՍԱՆՅՈՒԹ
Քաղաքականություն
06.08.2020 | 17:30
Factor.am-ի հարցազրույցը քաղաքագետ Անդրիաս Ղուկասյանի հետ
– Պարո՛ն Ղուկասյան, արդեն երրորդ օրն է՝ Ամուլսարի շուրջ իրավիճակը կրկին թեժացել է։ Ջերմուկի բնակչությունը շարունակում է պայքարել, որպեսզի հանքը չշահագործվի։ Սակայն իշխանությունն այս իրավիճակում դեռևս լուռ է։ Ըստ Ձեզ՝ ինչո՞ւ։
– Դա քաղաքական տեխնոլոգիա է։ Նպատակն է թույլ չտալ, որպեսզի այդ իրադարձությունների մասին տեղեկությունները մեծ տարածում ստանան։ Այդպիսով կառավարությունն իր վերաբերմունքն է ցուցաբերում, որ դա նշանակություն չունեցող, երկորդական, երրորդական խնդիր է։ Եվ քաղաքացիները զգացին, որ դա դիրքորոշում է։
– Դուք Ջերմուկում էիք և այնտեղից Անվտանգության խորհրդի քարտուղար Արմեն Գրիգորյանին հորդորեցիք՝ գնալ Ջերմուկ և տեսնել, թե ինչ է կատարվում։ Փաստորեն, Դուք, բացի բնապահպանական խնդիրները, տեսնում ենք նաև անվտանգությա՞ն խնդիր։
– Խնդիրը նրանում էր, որ կոմպետենտ պաշտոնյաներն արձագանքեին քաղաքացիների խնդիրներին և կարգավորեին ճգնաժամը։ Մենք տեսանք, որ կառավարությունը դա հետևողականորեն սրում է՝ դրան չանդրադառնալով, չարձագանքելով, թողնելով ինքնահոսի։
– Ինչ եք կարծում՝ ջերմուկցիները և մյուս պայքարող քաղաքացիները հետ կկանգնե՞ն այդ պայքարից։ Ի՞նչ զարգացումներ եք կանխատեսում։
– Պայքարից հետ չեն կանգնի, բայց մարդկանց կարող են տրորել։ Երեկ երեկոյան բառի բուն իմաստով տրորեցին քաղաքացիներից մեկին։ Իհարկե, այն, ինչ կատարվում է, աստիճանաբար բերելու է նրան, որ բռնությունը դառնալու է գլխավոր փաստարկը։ Ոստիկանները դեռ զսպված են գործում, բայց պարզ է, որ ցանկացած պահի պատրաստ են այդ բռնությունը կատարելու և քաղաքացիներին տրորելու։ Մեր երկրում կան գյուղեր, որտեղ կատարվել են այդ բռնությունները՝ մարդկանց վրայով անցել, գնացել են։
Հարցազրույցն ամբողջությամբ՝ տեսանյութում:
Մերի Մարտիրոսյան
