10.06.2026 | 17:31
ԱՄՆ Կոնգրես Ադրբեջանում պահվող հայ գերիների ազատ արձակման վերաբերյալ նախագիծ է ներկայացվել
Ձերբակալությունն ապօրինի է․ Ռոբերտ Նազարյանի փաստաբան
Հասարակություն
06.08.2020 | 14:44
Հանրային ծառայությունները կարգավորող հանձնաժողովի նախկին նախագահ, Երևանի նախկին քաղաքապետ Ռոբերտ Նազարյանի ձերբակալությունն ապօրինի է։ Factor.am-ի հետ զրույցում նման պնդում արեց Նազարյանի փաստաբան Գագիկ Խաչիկյանը։
Նա չմանրամասնեց, թե ինչ գործի շրջանակում են ձերբակալել Ռոբերտ Նազարյանին՝ նշելով, որ դա քրեական գործի գաղտնիք է։
«Նրան մեղադրանք չի ներկայացվել։ Այն, ինչ տեղի է ունենում, ապօրինի է, նա ոչ միայն չի ընդունում իրեն վերագրվող արարքը, այլև չի կատարել»,- նշեց փաստաբանը։
Նշենք, որ մեր տեղեկություններով՝ Նազարյանը ձերբակալվել է «ՁորաՀԷԿ» ՓԲԸ-ի գույքի օտարման գործընթացի վերաբերյալ քրեական գործով։
Ըստ Դատախազության հաղորդագրության՝ ուսումնասիրությամբ պարզվել է, որ պետական սեփականություն հանդիսացող՝ 2010թ. դրությամբ շուրջ 8 միլիարդ, իսկ 2018 թվականի դրությամբ՝ շուրջ 12 միլիարդ դրամ արժեքով, բարձր եկամտաբերությամբ «Ձորա ՀԷԿ» ՓԲԸ-ի գույքն օտարվել է ընդամենը 3 մլրդ 600 մլն դրամով, ինչով էական վնաս է պատճառվել պետության օրինական շահերին՝ առաջացնելով ծանր հետևանքներ:
Անժելա Պողոսյան
