18.11.2024 | 13:17
Էրդողանը ռուս-ուկրաինական պատերազմը սառեցնելու ծրագիր է պատրաստել․ Bloomberg
Արարատ Միրզոյանը ցավակցական ուղերձ է հղել Լիբանանի խորհրդարանի նախագահ Նաբիհ Բըրրիին
Քաղաքականություն
06.08.2020 | 12:17
ՀՀ Ազգային ժողովի նախագահ Արարատ Միրզոյանը Բեյրութում տեղի ունեցած ողբերգական պատահարի կապակցությամբ ցավակցական ուղերձ է հղել Լիբանանի խորհրդարանի նախագահ Նաբիհ Բըրրիին։
«Ձերդ գերազանցություն, խոր կսկիծով տեղեկացանք Բեյրութի նավահանգստում տեղի ունեցած պայթյունի մասին:
Հայաստանի Հանրապետության Ազգային ժողովի եւ անձամբ իմ անունից Ձեզ եմ հղում մեր խորին ցավակցությունը եւ մխիթարական խոսքը՝ զոհվածների ընտանիքներին ու հարազատներին, իսկ բոլոր տուժածներին՝ շուտափույթ ապաքինում:
Համոզված եմ, որ Լիբանանի ժողովուրդը ուժ եւ հաստատակամություն կգտնի բուժելու այս աղետի հասցրած վերքերը եւ արագ վերականգնելու ավերածությունները:
Ընդունեք, խնդրեմ, Ձերդ գերազանցություն, խորին հարգանացս հավաստիքը»,-ասված է ՀՀ ԱԺ նախագահ Արարատ Միրզոյանի ցավակցական ուղերձում:
