20.05.2026 | 21:40
Մարտի 1-ին Տեր-Պետրոսյանը մեզ տարավ սրի բերան, ինքը փախավ տուն, դուք կապ չունեք․ քաղաքացին՝ Քոչարյանին. ՏԵՍԱՆՅՈՒԹ
Բեյրութի բնակիչներին նախազգուշացրել են պայթյունի գոտում օդի աղտոտվածության մասին
Քաղաքականություն
05.08.2020 | 16:29
Լիբանանի քաղավիացիայի գլխավոր վարչության օդերևութաբանական դեպարտամենտը Բեյրութի բնակիչներին կոչ է արել չմոտենալ մայրաքաղաքի նավահանգստի շրջանին։ Այս մասին հայտնել է OTV-ն։
«Խորհուրդ չի տրվում մոտենալ Բեյրութի նավահանգստի պայթյունի գոտուն, ինչպես նաև նավահանգստից հյուսիս գտնվող լեռնային տեղանքին, քանի որ քամին աղտոտված օդն այնտեղ է բերում»,- նշել են դեպարտամենտում։
Մինչ այդ, Կարմիր Խաչի լիբանանյան ընկերակցությունը ժամանակավոր կացարաններ է տեղադրել, որտեղ կարող են ապաստան գտնել պայթյունից տուժած մինչև հազար ընտանիքներ։
«Մի քանի ժամանակավոր ապաստարաններ ենք կառուցել։ Պատրաստ ենք 72 ժամով ընդունել 1.000 ընտանիքի։ Նրանց սնունդ, հիգիենայի պարագաներ, ինչպես նաև առաջին անհրաժեշտության ապրանքներ կտրամադրենք»,- նշվում է կազմակերպության տարածած հաղորղագրությունում։
Հիշեցնենք, որ օգոստոսի 4-ին Բեյրութի նավահանգստի մոտ տեղի ունեցած հզոր պայթյունի հետևանքով ավելի քան 100 մարդ է զոհվել, 4.000 վիրավոր կա։ Երկրում համազգային սուգ է հայտարարվել, իսկ մայրաքաղաքում երկշաբաթյա արտակարգ դրության ռեժիմ սահմանվել։
