20.01.2026 | 09:33
ՀՀ միջպետական և հանրապետական նշանակության բոլոր ճանապարհները բաց են
Գագիկ Ծառուկյանն Արամ Ա-ին հայտնել է մեր հայրենակիցներին, համայնքային կառույցներին և Կիլիկիո կաթողիկոսությանը ֆինանսական օգնություն հատկացնելու պատրաստակամության մասին
Քաղաքականություն
05.08.2020 | 13:16
ԲՀԿ ղեկավար Գագիկ Ծառուկյանն այսօր հեռախոսազրույց է ունեցել Մեծի Տանն Կիլիկիո կաթողիկոս Արամ Առաջինի հետ՝ իր ցավակցությունը հայտնելով հզոր պայթյունների հետևանքով լիբանանահայ մեր հայրենակիցների մահվան կապակցությամբ: Այս մասին տեղեկացրել է ԲՀԿ խոսնակ Իվետա Տոնոյանը։
Գագիկ Ծառուկյանն Արամ Առաջինի հետ զրույցում իր անվերապահ զորակցությունն է հայտնել՝ հավելելով, որ այսօր ևեթ «Գագիկ Ծառուկյան» բարեգործական հիմնադրամը ֆինանսական միջոցներ կհատկացնի աղետից տուժած մեր հայրենակիցներին, համայնքային կառույցներին և Մեծի Տանն Կիլիկիո կաթողիկոսությանը:
Եվս մեկ անգամ հայտնելով իր անվերապահ աջակցությունը՝ Գագիկ Ծառուկյանն ընդգծել է, որ մշտապես պատրաստ է գործի դնել բոլոր ջանքերը Սփյուռքի ամենաամուր և ամենակենսունակ համայնքերից մեկին տագնապալի այս շրջանում ձեռք մեկնելու և աջակցելու համար:
