21.12.2025 | 13:43
Եգիպտոս պատվիրակություն կգործուղվի. կազմը հայտնի է
Ադրբեջանի պետբյուջեն «ճաքեր» է տալիս․ նավթի 1 բարելի գինը 55-ից կնվազեցվի 35 դոլարի
Քաղաքականություն
04.08.2020 | 21:31
Ադրբեջանի Միլլի Մեջլիսը վաղն արտահերթ նիստ է անցկացնելու, որի ընթացքում քննարկվելու է երկրի պետական բյուջեի փոփոխության հարցը։ Այս մասին հաղորդում են ադրբեջանական լրատվամիջոցները։
«Նիստի օրակարգում ընդգրկված են այնպիսի հարցեր, ինչպիսիք են Ադրբեջանի 2020թ-ի պետբյուջեի փոփոխությունը, Ապահովագրության ու գործազրկության ֆոնդերի բյուջեների, ինչպես նաև «Զբաղվածության», «Գործազրկության ապահովագրության մասին» ու վարչական իրավախախտումների մասին օրենքների փոփոխությունները»,- ասվում է հայտարարության մեջ։
Փոփոխությունների արդյունքում նախատեսվում է պետբյուջեում 1 բարել նավթի գինը նվազեցնել՝ հասցնելով մինչև 35 դոլարի։ Այժմ Ադրբեջանի պետբյուջեում 1 բարել նավթը հաշվարկված է 55 դոլարով։
Նշենք, համավարակի ու նավթի համաշխարահային գների նվազման պատճառով Ադրբեջանի տնտեսությունը մեծ վնասներ է կրում։ 2020թ-ի պետական բյուջեի եկամուտները՝ ըստ կանխատեսումների կազմում են 24 մլրդ 134․5 մլն մանաթ, ծախսերը՝ 26 մլրդ 760․2 մլն մանաթ։ Բյուջեի դեֆիցիտը կանխատեսվում է 2 մլրդ 760,2 մլն մանաթ, որը կազմում է ՀՆԱ-ի 3․3 տոկոսը։
Բացի այդ Ադրբեջանի կառավարությունը կանխատեսում է, որ այս տարի ՀՆԱ-ն կնվազի 5 տոկոսով։ Ավելի վաղ կառավարությունը ենթադրում էր, որ 3 տոկոսով ՀՆԱ-ն կավելանա։
Ընդհանուր առմամբ, երկրի Էկոնոմիկայի նախարարությունը ՀՆԱ-ի 3․8 տոկոս անկում է կանխատեսում։ Միջազգային ֆինանսական կառույցները կանխատեսումներով ևս Ադրբեջանի տնտեսությունն անկում է ապրում։ Համաշխարահային բանկի հաշվարկով՝ այս տարի Ադրբեջանի տնտեսությունը կնվազի 2․6 տոկոսով, ըստ Արժույթի միջազգային հիմնադրամի՝ 2․2 տոկոսով, Վերակառուցման ու զարգացման եվրոպական բանկի կանխատեսմամբ՝ 3 տոկոսով։
Էմմա Չոբանյան
