10.08.2026 | 10:56
Ռուսական զորքերն ավիառումբերով հարվածել են Սումիին․ վիրավորներ կան
Մահվան վկայականներ են հրապարակվել․ արտահոսքը ԱՆ-ից է․ Սամվել Մարտիրոսյանը՝ ադրբեջանական հաքերների հերթական հրապարակման մասին
04.08.2020 | 21:06
Տեղեկատվական անվտանգության փորձագետ Սամվել Մարտիրոսյանն ադրբեջանական հաքերների գործողությունների վերաբերյալ հերթական հրապարակումն է արել։
«Կներեք, բայց էլի ես եմ։ Բաց տեսքով հրապարակվել են 103 մահվան վկայական։ Էս անգամ, արդարադատության նախարարությունից ինչ-որ արտահոսք ա։ 2019 թվականի փաստաթղթեր են»,- գրել է փորձագետը։
Այս հրապարակման կապակցությամբ Արդարադատության նախարարության խոսնակը Factor.am-ի հետ զրույցում ասաց՝ այժմ ճշտումներ են կատարվում, տեղեկություն ունենալուն պես կմեկնաբանեն:
Այսօր ավելի վաղ էլ Սամվել Մարտիրոսյանը ֆեյսբուքում հրապարակել էր լուսանկար և դրան կից նշել, թե ադրբեջանական հաքերները հայտնում են Հայաստանի կառավարական ներքին ցանց ներթափանցելու և 55 ՏԲ տեղեկություն տանելու մասին։ Ավելի ուշ փորձագետը հայտնել էր, որ ադրբեջանցի հաքերների հնարավոր հարձակման հետևանքով կորզվել են նաև «Զվարթնոց» օդանավակայանի մի քանի տասնյակ աշխատակիցների տվյալները։
Վարչապետի խոսնակ Մանե Գևորգյանը, անդրադառնալով այս լուրերին, ֆեյսբուքում գրել է․ «ՀՀ ԱԱԾ կողմից իրականացված աշխատանքների ընթացքում պարզվել է, որ համացանցում շրջանառվում է ՀՀ կառավարության սերվերների ղեկավարման համակարգի աշխատանքային գործընթացը պատկերող համակարգչային էկրանի լուսապատճենը (screenshot)։ Սա սակայն չի վկայում 55 տերաբայթ ծավալով տեղեկատվության կորզման մասին։ ԱԱԾ-ն շարունակում է աշխատանքները նշված լուսապատճենի ծագումը պարզելու եւ պետական սերվերներ ներթափանցելու մասին տեղեկությունը ստուգելու ուղղությամբ»։
