12.10.2026 | 16:53
«Ընտրությունն իրականացրել է ՄԱԿ-ը»․ COP17-ի գնումների վերաբերյալ ընդդիմության մեղադրանքներին արձագանքել է ՇՄ նախարարությունը
Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան և անհատական ցուցահանդեսը
Մշակույթ
04.08.2020 | 20:04
Հոկտեմբերին Փարիզում կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Այս մասին տեղեկանում ենք ֆրանսիական «Fondation Cartier»-ի կայքից։
«Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ։ Նշվում է, որ սա ռեժիսորի 15 տարվա աշխատանքի բարձրակետն է։
««Բնություն»-ն Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ «Հեռավար մոնտաժ»-ի արքան կրկին ստեղծագործական անդրադարձ է կատարել բնության թեմային՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը»,- հայտնում են «Fondation Cartier» հիմնադրամից։
Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 մարտի 7-ը։
Նելլի Մելքոնյան
