05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Դատարանը հետաձգեց Ռոբերտ Քոչարյանի և Արմեն Գևորգյանի գույքի վրա դրված կալանքը վերացնելու միջնորդության քննարկումը․ ՏԵՍԱՆՅՈՒԹ
Հասարակություն
04.08.2020 | 14:20
Երևանի ընդհանուր իրավասության դատարանի Շենգավիթի նստավայրում ընթացող ՀՀ երկրորդ նախագահ Ռոբերտ Քոչարյանի և նախկին բարձրաստիճան մյուս պաշտոնյաների գործով դատական նիստին դատավոր Աննա Դանիբեկյանը որոշեց հետաձգել Ռոբերտ Քոչարյանի և Արմեն Գևորգյանի գույքի վրա դրված կալանքը վերացնելու միջնորդության քննարկումը։
Դատարանը սա պատճառաբանեց այն հանգամանքով, որ պաշտպանները հրաժարվեցին կալանքի տակ դրված գույքի արժեքի վերաբերյալ փաստաթղթեր ներկայացնել։ Դատավորը նշեց, որ միջնորդության քննարկումը տեղի կունենա դատաքննության փուլում։
Այս որոշումից հետո պաշտպան Հայկ Ալումյանը հայտարարեց․ «Այսինքն՝ դատարանը չի բացառում, որ իր իսկ կողմից կայացրած որոշումն այն մասին, որ Ռոբերտ Քոչարյանի իրավունքները խախտվել են, կարող է մնալ ուժի մեջ, այսինքն՝ Դուք ինքներդ Ձեզ հակասում եք»։
Պաշտպաններից Հովհաննես Խուդոյանն էլ հայտարարեց, որ դատարանի այս որոշումը որևէ կապ չունի քրեական դատավարության հետ։ Նրանց միացավ նաև Էրիկ Ալեքսանյանը՝ ասելով, թե դատարանը կայացրել է թերի պատճառաբանված որոշում, և որ դա հանդիսանում է Կոնվեցիայի վեցերորդ հոդվածի խախտում։
Լիլիթ Շաբոյան
