10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ուժային կառույցները պետք է լուրջ աջակցություն ցուցաբերեն ՊԲ-ին մարտական խնդիրները լուծելիս. Արցախի նախագահ
Քաղաքականություն
03.08.2020 | 18:49
Հայաստանի Հանրապետության իշխանությունների հետ բանակի հետ կապված ունեցել ենք բազմաթիվ քննարկումներ, և մեր համատեղ աշխատանքը թույլ է տալու առաջին հերթին բարձրացնել բանակի մարտունակության աստիճանը: Այսօր Արցախի կառավարության անդրանիկ նիստի ժամանակ ունեցած ելությում այս մասին ասել է ԱՀ նախագահ Արայիկ Հարությունյանը, հաղորդում է «Արցախպրես»-ը։
Արայիկ Հարությունյանի խոսքով՝ առաջիկայում շատ ավելի մեծ աշխատանքներ են տարվելու բանակի մարտունակության բարձրացման ուղղությամբ:
Նախագահի հանձնարարությամբ՝ ուժային կառույցների, այդ թվում՝ ոստիկանության, ազգային անվտանգության և արտակարգ իրավիճակների պետական ծառայության բոլոր ծառայողները կպատրաստվեն պատերազմական գործողությունների ընթացքում իրականացնելու ոչ թե իրենց սովորական գործառույթը, այլև պաշտպանելու սահմանը:
Երկրի ղեկավարը նշել է, որ լուրջ ուշադրություն է դարձվելու մոբիլիզացիոն ռեսուրսների արդյունավետ օգտագործմանը:
«Ուժային կառույցները պետք է լուրջ աջակցություն ցուցաբերեն պաշտպանության բանակին՝ մարտական խնդիրները լուծելու ուղղությամբ»,- ընդգծել է Արցախի նախագահը:
