27.08.2026 | 18:14
Ծանրամարտի պատանեկան ԵԱ. Հայաստանի վերջին ներկայացուցիչը փոքր բրոնզե մեդալ նվաճեց. ՏԵՍԱՆՅՈՒԹ
ԿԳՄՍ նախարարը համաձայնել է հանդիպել բարձր միավորներով բուհ չընդունված դիմորդների հետ
Հասարակություն
03.08.2020 | 17:22
ԿԳՄՍ նախարար Արայիկ Հարությունյանը համաձայնել է հանդիպել միասնական ընդունելության քննություններում բարձր միավորներ հավաքած, սակայն բուհ չընդունված դիմորդների հետ։ Այս մասին ֆեյսբուքյան գրառմամբ տեղեկացրել է այդ դիմորդներից Հայկ Բաբալյանը։
«Մեր պայքարի սկզբից հանդիպում ենք պահանջում Արայիկ Հարությունյանի հետ։ Օրեր շարունակ մեր պահանջն անտեսվում և մերժվում էր։
Սակայն, վերջապես պարոն Հարությունյանը պատրաստակամություն հայտնեց հանդիպելու։ Հանդիպումը տեղի կունենա վաղը՝ օգոստոսի 4֊ին, ժամը 14։00֊ին։ Հանդիպման ֆորմատը հաստատվել է Արայիկ Հարությունյանի կողմից. հանդիպելու ենք նախարարությունից դուրս, ոչ ֆորմալ միջավայրում։
Հանդիպմանը ներկա են լինելու բացառապես պահանջատեր դիմորդ շարժման մասնակիցները և Արայիկ Հարությունյանը։
Արդյունքների և հետագա անելիքների մասին կտեղեկացնենք հանդիպումից հետո»,- գրել է Բաբալյանը։
