01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Տավուշի մարզպետը հրետակոծությունից տուժած Այգեպար և Ներքին Կարմիրաղբյուր համայնքներ է այցելել. ՏԵՍԱՆՅՈՒԹ
Քաղաքականություն
03.08.2020 | 14:20
Տավուշի մարզպետ Հայկ Չոբանյանը այցելել է հրետակոծությունից ամենից շատ տուժած Այգեպար և Ներքին Կարմիրաղբյուր համայնքներ, տեղեկացնում է Տավուշի մարզպետարանի մամուլի ծառայությունը:
Հակառակորդի հրետակոծության արդյունքում մարզի սահմանամերձ գյուղերի շուրջ 100 վնասված շինությունների վերականգման աշխատանքները շարունակում են ակտիվորեն ընթանալ, մեկնարկել է նաև Այգեպար գյուղի փողոցների ասֆալտապատման աշխատանքները:
Մարզպետը նշել է, որ վերականգնման աշխատանքներն ավարտվելու են հնարավոր ամենասեղմ ժամկետներում, և բնակիչներն ունենալու են ավելի լավ տներ, քան ունեցել են հրետակոծությունից առաջ:
«Շատ ոգևորված և հպարտ եմ մեր սահմանապահ բնակիչներով, որոնք ոչ միայն ընկճված չեն, այլ իրենց հողին կանգնած են ավելի ամուր, քան երբևէ»,- ասել է Հայկ Չոբանյանը։
