29.04.2026 | 18:50
Ժոզե Մոուրինյուն արձագանքել է «Ռեալ» վերադառնալու մասին լուրերին
Հրապարակվեց Վահան Շիրխանյանի և Արթուր Վարդանյանի միջև խոսակցությունը. շոշափվում էր Սեյրան Օհանյանի անունը
Հասարակություն
01.12.2017 | 13:09
Կենտրոն և Նոր-Մարաշ ընդհանուր իրավասության դատարանում շարունակվում է Նորք-Մարաշում վնասազերծված Զինված խմբի գործով դատական նիստը:
Մեղադրող դատախազ Էդգար Արսենյանն աղմկահարույց բացահայտումներ արեց այսօրվա նիստին: Հրապարակվեց Զինված խմբի պարագլուխ Արթուր Վարդանյանի և Պաշտպանության նախկին փոխնախարար Վահան Շիրխանյանի միջև զրույցը, որը տեղի էր ունեցել 2015 թվականի դեկտեմբերին: Խոսակցության մեջ անընդհատ հնչում էին Պաշտպանության նախկին նախարար Սեյրան Օհանյանի և մի շարք այլ հայտնի քաղաքական գործիչների անուններ:
Դատախազի հրապարակման համաձայան՝ Վահան Շիրխանյանն ասել է. «Սեյրան Օհանյանը դեմ է բոլորին, բոլորին նույն կերպ է վերաբերվում. Լֆիկին, Դոդին, Մկանը, նա ասում է, որ իրենք ժամանակին գողացել են, գռփել»:
Ըստ դատախազի ներկայացրած ձայնագրության` Արթուր Վարդանյանը ցանկացել է հանդիպել Սեյրան Օհանյանին, սակայն Վահան Շիրխանյանն ասել է, որ նա այս փուլում կխուսափի հանդիպել: Ձայնագրության մեջ նշվում էր, որ Արթուր Վարդանյանն անընդհատ շեշտել է, թե իրենց ծրագրի մասին գիտեն միայն ինքը՝ Շիրխանյանը և խոսակցությանը ներկա գործի անջատված մասով մեղադրյալ Լիլիթ Թորոսյանը:
Փաստաբան Լևոն Բաղդասարյանը դատարանում հայտարարեց` պետք է ուսումնասիրվի արդյոք այդ ձայնագրությունը, որ արվել և տրվել է Լիլիթ Թորոսյանին, որպեսզի նա ներկայացնի և ազատ արձակվի, թե՞ անձամբ նա է դա կատարել:
Դատախազը նաև նշեց, որ խուզարկել են Վահան Շիրխանյանին պատկանող բնակարանը, որտեղից հայտնաբերել են` 11 փամփուշտ, 1 որսորդական հրացան և մեկ մեկփողանի հրացան: Դատարանը 30 րոպե ընդմիջում է հայտարարել:
Մանրամասները` ավելի ուշ:
