17.12.2025 | 18:50
Սուրեն Պապիկյանի հրամանով տարածքային պաշտպանության զորքերի հրամանատարությանը հանձնվել է մարտական դրոշ
2․2 մլրդ դրամից ավելի՝ մարզային ճանապարհների նորոգման համար․ Կառավարությունը փաստեր է ներկայացրել․ ՏԵՍԱՆՅՈՒԹ
Հասարակություն
01.08.2020 | 11:21
ՀՀ վարչապետ Նիկոլ Փաշինյանը ֆեսբուքյան էջում տեսանյութ է հրապարակել, որում ներկայացվում են փաստեր մարզերում կատարված ճանապարհային վերանորոգման աշխատանքներից։
Այսպես, հիմնանորոգվում է Մ-3 Մարգարա-Վանաձոր-Տաշիր-հայ-վրացական սահման միջպետական ճանապարհի Ուշի-Արատաշաան հատվածը։ Աշխատանքները մեկնարկել են 2020-ի հուլիսին, իսկ ավարտը նախատեսվում է մինչև 2020-ի դեկտեմբեր։ Ճանապարհի երկարությունը 7․7 կմ է, պայմանագրային արժեքը՝ 1 մլրդ 246 մլն ՀՀ դրամ։
Նշվում է, որ ճանապարհը վերջին անգամ հիմնանորոգվել է մոտ 30 տարի առաջ։ Միջին նորոգման աշխատանքներ են տարվում նաև Ափնագյուղից մինչև Ծիլքար ճանապարհի տարբեր հատվածներում։ Երկարությունը 15․9 կմ է, իսկ պայամագրային արժեքը՝ 636 մլն ՀՀ դրամ։ Ճանապարհը վերջին անգամ նորոգվել է 15 տարի առաջ։
Հիմնանորոգվում է նաև Հ-21․ Հոռոմ-Արթիկ-Ալագյազ ավտոճանապարհի՝ Գուսանագյուղից մինչև Հոռոմի խաչմերուկ հատվածը։ 4․5 կմ երկարությամբ ճանապարհի հիմանորոգման արժեքը 403 մլն 600 հազար ՀՀ դրամ է։ Աշխատանքները նախատեսվում է ավարտել մինչև 2020-ի դեկտեմբեր։ Ճանապարհը վերջին անգամ հիմնանորոգվել է 15-20 տարի առաջ։
Մանրամասները՝ տեսանյութում։
