25.02.2026 | 20:00
Սամվել Կարապետյանն ինչո՞ւ հիմա չի հրաժարվում ՌԴ-ի սիրելի անձնագրից․ ինչո՞ւ միայն հաջողության դեպքում․ Արփի Դավոյան․ ՏԵՍԱՆՅՈՒԹ
ԼՂ հիմնախնդրի շուրջ ՀԱՊԿ անդամ երկրների նախագահների հայտարարությունում հիշատակված են Վիեննայի և Սանկտ Պետերբուրգի պայմանավորվածությունները
Քաղաքականություն
01.12.2017 | 12:14
ՀԱՊԿ անդամ երկրների ղեկավարները համատեղ հայտարարություն են տարածել, որով իրենց աջակցությունն են հայտնել ԵԱՀԿ ՄԽ համանախագահների՝ ԼՂ հակամարտության կարգավորմանն ուղղված ջանքերին:
«ԵԱՀԿ Մինսկի խմբի համանախագահությունը՝ ի դեմս Ռուսաստանի Դաշնության, Ֆրանսիայի Հանրապետության և Ամերիկայի Միացյալ Նահանգների, միջազգային հանրության համապատասխան մանդատն ունեցող միակ կառույցն է, որի առաքելությունը ԼՂ հակամարտության կարգավորմանը հասնելու գործում քաղաքական-դիվանագիտական ուղիներով կողմերին աջակցելն է:
Շնորհիվ համանախագահող 3 երկրների ջանքերի՝ խնդրի կարգավորման նպատակով մշակվել է սկզբունքների ամբողջականություն, որոնք արտացոլված են ԼՂ հակամարտության վերաբերյալ ՌԴ-ի, Ֆրանսիայի և ԱՄՆ նախագահների համատեղ հայտարարությունում:
Մեր աջակցությունն ենք հայտնում ԵԱՀԿ ՄԽ համանախագահող երկրների ջանքերին՝ հաստատելով ղարաբաղյան հակամարտության բացառապես խաղաղ կարգավորման անհրաժեշտությունը՝ միջազգային իրավունքի սկզբունքների ու նորմերի, ՄԱԿ-ի կանոնադրության դրույթների, ինչպես նաև Հելսինկյան եզրափակիչ ակտի հիման վրա, որոնք մասնավորապես վերաբերում են ուժի կամ ուժի սպառնալիքի չկիրառմանը, տարածքային ամբողջականությանը և ժողովուրդների ինքնորոշման իրավունքին:
Մենք կողմ ենք հանդես գալիս 2016-2017թթ. Վիեննայում, Սանկտ Պետերբուրգում և Ժնևում ԼՂ հակամարտության հարցով գագաթնաժողովների շրջանակում ձեռք բերված պայմանավորվածություններին՝ ուղղված իրավիճակի սրացմանը խոչընդոտող, հրադադարի ռեժիմի պահպանումը վերահսկող, հակամարտության գոտում լարվածության մակարդակի նվազեցման համար հավելյալ քայերի ձեռնարկմանն ու բանակցային գործընթացի աշխուժացմանն ուղղված համաձայնությունների իրականացմանը»:
