10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
Պետք է օր առաջ ավելի լավ կյանքի որակ ունենալու մղումն իրականացնենք. Ռոմանոս Պետրոսյան․ ՏԵՍԱՆՅՈՒԹ
Քաղաքականություն
31.07.2020 | 14:17
Վարչապետ Նիկոլ Փաշինյանն այսօր Շրջակա միջավայրի նախարարության աշխատակազմին ներկայացրեց նորանշանակ նախարար Ռոմանոս Պետրոսյանին:
Պետրոսյանը նախարարի կարգավիճակում առաջին ելույթում շնորհակալություն հայտնեց վարչապետին վստահության համար՝ հավաստիացնելով, որ իր ամբողջ ներուժը, ջանքը, նվիրումը հետայսու ևս ներդնելու է Հայաստանի Հանրապետությունում օր առաջ ավելի երաշխավորված, պաշտպանված, գիտելիքահեն կառավարման և հանրության սրտացավ վերաբերմունքով զարգացող շրջակա միջավայր ունենալու գործում:
«Հետհեղափոխական Հայաստանում՝ ժողովրդավարական երկրում, այսօր ընթանում են խորքային բարեփոխումներ կյանքի բոլոր ոլորտներում, այդ թվում՝ շրջակա միջավայրի կառավարաման ոլորտում, ինչն ուղղակիորեն ազդում է նաև կյանքի որակի վրա: Մենք պետք է հայտարարենք մեր մեկնարկային կետը և համատեղ ջանքերով օր առաջ Հայաստանում ավելի լավ կյանքի որակ ունենալու մղումն իրականացնենք՝ հանուն Հայաստանի Հանրապետության, հանուն հայ ժողովրդի, հանուն Հայաստանի քաղաքացու»,- նշեց նորանշանակ նախարարը։
Հիշեցնենք, որ մինչ այս Ռոմանոս Պետրոսյանը զբաղեցնում էր Կոտայքի մարզպետի պաշտոնը։
Մանրամասները՝ տեսանյութում։
Մերի Մարտիրոսյան
