08.11.2024 | 18:49
Արդարադատության փոխնախարարը Մաթյո Մորիի հետ քննարկել է ՏԻՄ-երում կոռուպցիայի կանխարգելման ուղղությամբ բարեփոխումները
Ուկրաինայում քաղաքացին երրորդ անգամ է կորոնավիրուսով վարակվել
Քաղաքականություն
30.07.2020 | 12:55
COVID-19-ի 68 հազարից ավելի հաստատված դեպք ունեցող Ուկրաինայում եռակի վարակման դեպք է գրանցվել։ Այս մասին հայտնել է Տերնոպոլի մարզպետարանի առողջապահության վարչության պետ Վլադիմիր Բոգայչուկը, փոխանցում է «ՌԲԿ Ուկրաինան»։
«Հիվանդ կա, որն արդեն երրորդ անգամ է վարակվում: Պետք է հասկանանք, որ նույնիսկ նրանք, ովքեր ունեցել են կորոնավիրուսային վարակ, պաշտպանված չեն կրկին վարակվելուց»,- ասել է Բոգայչուկը:
Ըստ նրա՝ Տերնոպոլում կորոնավիրուսային իրավիճակի վատթարացում է նկատվում: Միաժամանակ, COVID-19-ի առաջին ալիքով վարակվածներին բուժում տրամադրող հաստատություններում մահճակալների զբաղվածությունը 26․7% է: Բուժում ստացող 1100 հիվանդներից 30-ը ծանր վիճակում է: Նման վիճակագրությունը Տերնոպոլի մարզպետարանի առողջապահության վարչության պետը բացատրել է կարանտինային միջոցառումների խախտումներով։
«Մարդիկ ամբողջությամբ չեն ընկալում վարակի հետ կապված իրավիճակի բարդությունը, ինչը ծագում է պարզապես կարանտինային միջոցառումներին չհետևելու պատճառով»,- նշել Բոգայչուկը:
Նելլի Մելքոնյան
