12.11.2026 | 21:27
Պուտինն Ուկրաինայում օտարերկրյա զորքերի հնարավոր ներկայությունը Ռուսաստանի համար սպառնալիք է որակել
Երեխան առանց ծնողի չի կարող որևէ տեղ տեղավորվել կամ մեկուսացվել. Արփինե Հովհաննիսյան
Հասարակություն
30.11.2017 | 18:12
Ազգային ժողովի պետական-իրավական և մարդու իրավունքների պաշտպանության հարցերի մշտական հանձնաժողովի նիստում «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրինագծի քննարկմանը ԱԺ փոխնախագահ, հարակից զեկուցող Արփինե Հովհաննիսյանը հայտարարեց՝ նախագիծն էվոլուցիա է ապրել:
«Տարբեր ձևաչափերով քննարկումներ են տեղի ունեցել, հնչել են բազմաթիվ մտահոգություններ: Ես կներկայացնեմ այդ մտահոգությունները և դրանց ի պատասխան կատարված փոփոխությունները, որոնք որոշակի առումով դրական են նախագծի տեքստում՝ փոփոխությունների առումով»,- նշեց Արփինե Հովհաննիսյանը:
Ըստ նրա՝ մտահոգություններ էին հնչում՝ եթե երեխան վատ շրջապատ է ընկել և ծնողն արգելում է նրան շփվել այդ շրջապատի հետ, ապա դա դիտարկվելու է որպես բռնություն:
«Այն ձևակերպումները, որոնք ընկած են այս մտահոգությունների հիմքում, հանվել են: Հաջորդ մտահոգությունն այն է, որ երեխաներին կարող են մեկուսացնել կամ տեղափոխել այլ վայրեր, այդ մտահոգությունը ևս փարատվել է»,- շարունակեց հանձնաժողովի անդամը:
Մանրամասները՝ տեսանյութում:
