11.09.2026 | 21:23
Թյուրքական երկրները Եվրոպոլին համարժեք կառույց են ստեղծում՝ TURKPOL-ը
Դատախազներն առարկեցին նախկին պաշտոնյաների գույքի վրա դրված կալանքը վերացնելու միջնորդության դեմ. ՏԵՍԱՆՅՈՒԹ
Հասարակություն
28.07.2020 | 16:16
Ռոբերտ Քոչարյանի և մյուսների գործով այսօրվա դատական նիստին գլխավոր դատախազ Պետրոս Պետրոսյանն առարկեց Արմեն Գևորգյանի և Ռոբերտ Քոչարյանի պաշտպանների ներկայացրած միջնորդությունների դեմ: Դատախազն ասաց՝ Արմեն Գևորգյանին մեղսագրված արարքների դրվագով գործ ունեն հանցավոր ճանապարհով ձեռք բերված 309 մլն դրամի հետ, և այդ համատեքստում սանկցիաներն ուսումնասիրելիս առկա է լրացուցիչ պատիժ՝ գույքի բռնագանձումը։
Մեղադրող դատախազ Գևորգ Բաղդասարյանն էլ նշեց, որ Ռոբերտ Քոչարյանին և Արմեն Գևորգյանին առաջադրված են այնպիսի մեղադրանքներ, որոնց դեպքում գույքի բռնագնձման ինստիտուտը կիրառելի է։ Ինչ վերաբերում է արժեքը որոշելուն, դատախազը նշեց, որ խնդիրները հաճախ տեխնիկական են, երբ հաշվի վրա դրված կալանքից հետո գումար է ավելանում հաշվին և բանկային համակարգը թույլ չի տալիս դրանք տնօրինել, բացի այդ՝ կոռուպցիայի և փողերի լվացման դեմ պայքարի բնագավառում պետությունները պարտավորվում են առանց հապաղելու կիրառել գույքի սառեցման միջոցները։
Բաղդասարյանի դիտարկմամբ՝ եթե դատարանը կգտնի, որ առկա է անհամաչափություն կամ կարող է այդպիսի անհամաչափություն առաջանալ, ապա կարող է որպես վարույթն իրականացնող մարմին որոշել արժեքը և վերացնել անհամաչափությունը։ Բաղդասարյանը խնդրեց դատարանից մերժել միջնորդությունները։
Մանրամասները՝ տեսանյութում։
