15.06.2026 | 23:45
«Կրկնակի վանդալիզմ»․ բրոնզագույն սե՞պ հայ-ռուսական հարաբերություններում. ՏԵՍԱՆՅՈՒԹ
Հայկ Սարգսյանը հյուր է եղել, իսկ խնջույքի կազմակերպիչներն ասել են՝ կանոնները պահելու են. տնօրեն․ ՏԵՍԱՆՅՈՒԹ
Հասարակություն
28.07.2020 | 16:11
Միջոցառման կազմակերպիչներն են մեղավոր, մենք իրենց չենք կարողացել վերահսկել։ Բայց իրենք մեզ ասել են, որ կանոնները պահելու են։ Այս մասին այսօր ասաց Սևանի White Shorja հանգստի գոտու տնօրեն Արտյոմ Մելքումյանն՝ անդրադառնալով հուլիսի 26-ին նշված հանգստավայրում առանց դիմակների և հակահամաճարակային այլ կանոնների պահպանման անցկացված խնջույքին։
Factor.am-ի հարցին, թե իշխող ուժի պատգամավոր Հայկ Սարգսյանը կապ ունի՞ այդ խնջույքի կազմակերպման հետ, քանի որ երկու օր է՝ նրա անունն է շրջանառվում, ինչպես նաև խնջույքից նրա լուսանկարներն են տարածվել, Մելքումյանն ասաց․ «Հայկ Սարգսյանն այստեղ ուղղակի հյուր է եղել։ Չեմ հասկանում՝ ինչու են անընդհատ իր անունը տալիս»։
Դիտարկմանը, որ լուսանկար է տարածվել նաև, որտեղ Սարգսյանը եղել է հանգստավայրի բարում՝ համակարգչի մոտ, Մելքումյանը նշեց․ «Ինքն ուղղակի ուզում էր կարգավորել ինտերնետը՝ մեր խնդրանքով։ Այստեղ ինտերնետը թույլ է»։
Մանրամասները՝ տեսանյութում։
Մերի Մարտիրոսյան
