03.03.2026 | 12:04
Սպանիչ ա, որ Լևոն Մկրտչյանից Դատախազությունը 26 անշարժ գույք, 7 մեքենա, 1 մլրդ դրամ է պահանջում․ Կոնջորյան․ ՏԵՍԱՆՅՈՒԹ
Հորդանանի դեսպանին Ադրբեջանի ԱԳՆ են կանչել՝ Հայաստանին զինամթերք վաճառելու տեղեկությունների առնչությամբ
Քաղաքականություն
27.07.2020 | 21:40
Ադրբեջանում Հորդանանի դեսպան Սամի Աբդուլա Գոշեհին երկրի Արտաքին գործերի նախարարություն են կանչել՝ Հայաստան զենք մատակարարելու վերաբերյալ տեղեկությունների առնչությամբ։ Այս մասին հայտնում է ՌԻԱ Նովոստին։
Աղբյուրի փոխանցմամբ՝ Հորդանանի դեսպանի հետ զրուցել է Ադրբեջանի ԱԳՆ փոխնախարար Արազ Ազիմովը: Նա նշել է, որ հանրությունը դժգոհությամբ է ընդունել Հորդանանի կողմից Հայաստանին զենք վաճառելու նորությունը։
Հորդանանի դեսպանն իր հերթին ասել է, որ ըմբռնումով է մոտենում Ադրբեջանի մտահոգությանը: Նա նշել է, որ, հաշվի առնելով Ադրբեջանի հետ հարաբերությունների ռազմավարական բնույթը, խոստանում է ջանքեր գործադրել՝ հարցը կարգավորելու համար։
Հիշեցնենք՝ ադրբեջանական ԶԼՄ-ներն ավելի վաղ լուրեր էին տարածել Վրաստանի տարածքով Սերբիայից Հայաստան ականանետեր մատակարարելու մասին: Հարցի առնչությամբ նաև Ադրբեջանում Սերբիայի գործերի ժամանակավոր հավատարմատար Դանիցա Վեյնովիչն էր երկրի ԱԳՆ կանչվել:
