12.10.2026 | 14:44
Տնտեսագիտության ոլորտում Նոբելյան մրցանակի են արժանացել ամերիկացի երկու գիտնականներ
Գերմանիայի ԱԳ նախարարը G7-ի կազմ ՌԴ-ի վերադարձի հնարավորություն առայժմ չի տեսնում
Քաղաքականություն
27.07.2020 | 18:33
Գերմանիան դեմ է G7-ի կազմ Ռուսաստանի վերադարձին։ Այս մասին հայտարարել է Գերմանիայի արտգործնախարար Հեյկո Մաասը Rheinische Post-ին տված հարցազրույցում, գրում է DW-ի ռուսական ծառայությունը։
«Ռուսաստանը կարող է մեծ ներդրում ունենալ, որ այդ դռները բացվեն։ G7-ը և G20-ը երկու ձևաչափ են, որոնք ողջամտորեն համաձայնեցված են միմյանց հետ, մեզ դեռ պետք չէ G11 կամ G12»,- կարծիք է հայտնել Գերմանիայի արտգործնախարարը:
Նա հիշեցրել է, որ Ռուսաստանի հեռացման պատճառը «Ղրիմի բռնազավթումն ու Ուկրաինայի արևելքում միջամտությունն է»:
Հայկո Մաասը խոստովանել է, որ ներկայում Մոսկվայի հետ հարաբերությունները բարդ են բազմաթիվ ուղղություններով։ Նա, սակայն, հավելել է, որ Սիրիայում, Լիբիայում և Ուկրաինայում հակամարտությունները կարող են լուծվել միայն Ռուսաստանի հետ համատեղ։
Ավելի վաղ Մաասը Եվրախորհրդարանի արտաքին հարաբերությունների հանձնաժողովի նիստում հայտարարել էր, որ Ռուսաստանի և Ուկրաինայի հանդեպ քաղաքականությունը ԵՄ Խորհրդում Գերմանիայի նախագահության ընթացքում Բեռլինի առաջնահերթություններից է լինելու։
