15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
2020թ․ առաջին կեսին տնտեսական ակտիվության ցուցանիշը նվազել է 4․7 տոկոսով․ վիճծառայությունը նոր տվյալներ է հրապարակել
Տնտեսություն
27.07.2020 | 18:22
Այս տարվա առաջին կեսին տնտեսական ակտիության ցուցանիշը նվազել է 4․7 տոկոսով՝ նախորդ տարվա նույն ժամանակահատվածի համեմատ։ Այս մասին տեղեկանում ենք պետական վիճակագրական ծառայության հրապարակած տվյալներից։
Այսպես, 2020 թվականի հունվար-հունիս ամիսներին, նախորդ տարվա նույն ժամանակահատվածի համեմատ, արդյունաբերական արտադրանքի ծավալն ավելացել է 1․5 տոկոսով, գյուղատնտեսության համախառն արտադրանքի ծավալը՝ 1․7 տոկոսով, սպառողական գների ինդեքսը՝ 0․5 տոկոսով։
Նվազում է նկատվել շինարարության և առևտրաշրջանառության հատվածում․ շինարարության ծավալը նվազել է 23․4 տոկոսով, առևտրի շրջանառությունը՝ 11․1 տոկոսով։ Նվազել է նաև արտաքին առևտրաշրջանառությունը՝ 10․7 տոկոսով, որից արտահանումը՝ 6․5 տոկոսով, ներմուծումը՝ 12․9 տոկոսով։
Միջին անվանական ամսական աշխատավարձը բարձրացել է 5․4 տոկոսով, որից պետական հատվածում՝ 8․3 տոկոսով, ոչ պետական հատվածում՝ 3․8 տոկոսով։
Անժելա Պողոսյան
