07.07.2026 | 10:02
Խոշոր չափերով խարդախություն կատարելու համար մեղադրվող անձը հանձնվել է Ուզբեկստանին․ դատախազություն
Moderna-ն սկսում է Covid-19-ի դեմ պատվաստանյութի փորձարկման 3-րդ փուլը․ ԱՄՆ կառավարությունը ևս 472 մլն դոլար է տրամադրել
Քաղաքականություն
27.07.2020 | 17:43
Moderna ընկերությունը, որի համահիմնադիրն ամերիկահայ գործարար Նուբար Աֆեյանն է, հայտնել է, որ ԱՄՆ կառավարությունից հավելյալ 472 միլիոն դոլար է ստացել՝ նոր կորոնավիրուսային պատվաստանյութի մշակման համար։ Այս մասին հաղորդում է «Ալ Արաբիան»։
Ամերիկյան դեղարտադրող ընկերությունը նշել է, որ լրացուցիչ ֆինանսավորումը կնպաստի թեկնածու պատվաստանյութի վերջին փուլի կլինիկական փորձարկումներին։
«Ոգևորվելով 1-ին փուլի արդյունքներով՝ մենք հավատում ենք, որ մեր mRNA պատվաստանյութը կարող է օգնել COVID-19 համաճարակի դեմ պայքարին և հետագա բռնկումների կանխմանը»,- ասել է գլխավոր գործադիր տնօրեն Ստեֆան Բանկելը։
3-րդ փուլի փորձարկումները կսկսվեն հուլիսի 27-ին՝ ներառելով շուրջ 30․000 մասնակիցների: Ընկերությունը պատրաստվում է տարեկան մատակարարել պատվաստանյութի մոտ 500 միլիոն չափաքանակ և, հնարավոր է, տարեկան մինչև 1 միլիարդ չափաքանակ՝ սկսած 2021 թվականից:
Հիշեցնենք, որ ապրիլին Moderna-ն 483 միլիոն դոլար էր ստացել ԱՄՆ-ի դաշնային գործակալությունից, երբ պատվաստանյութը փորձարկման նախնական փուլում էր։
