04.07.2026 | 04:45
ԱԱ-2026. Մեսիի գոլն ու Արգենտինայի ծանր հաղթանակը լրացուցիչ ժամանակում. ՏԵՍԱՆՅՈՒԹ
Սարյանի պուրակի բազալտե հատակը չի կարելի քանդել․ Կենտրոնի նախկին թաղապետը դիմում է Երևանի ավագանուն. ՏԵՍԱՆՅՈՒԹ
Հասարակություն
27.07.2020 | 13:59
Կենտրոն վարչական շրջանի նախկին ղեկավար Վիկտոր Մնացականյանն այսօր ֆեյսբուքյան ուղիղ եթերով Երևանի ավագանու անդամների ուշադրությունն է հրավիրել Սարյանի պուրակում ընթացող բարեկարգման աշխատանքների վրա։
Մնացականյանին անհանգստացրել է այն, որ բազալտե քարերով հատակը փոխարինվում է բետոնե սալիկներով նոր հատակով։
«Նախագծով նախատեսվում է փոխել նստարանները, լուսավորությունը, ծառերի էտման և ոռոգման հարցը, որը շատ ողջունելի է։ Բայց այն պատմական և եզակի այգիներից է Սարյանի պուրակը, որտեղ հատակը լրիվ բազալտ է և լավ վիճակում։ Կխնդրեմ մի քիչ ուշադիր լինեք և հանձնարարեք, որ կանգնեցնեն այն քանդելը։ Այդ բետոնե սալիկները, որ փոխարինում են, ողջունելի է, բայց չի կարելի թողնել, որ հին, գեղեցիկ, քարե հատակը քանդեն, տեղը դնեն նոր՝ բետոնե։ Ընդամենը 5-10 տոկոսն է ոչ բարվոք վիճակում, որը կարելի է շատ հեշտ վերականգնել»,- նշել է Վիկտոր Մնացականյանը։
Մանրամասները՝ տեսանյութում։
