20.05.2026 | 19:49
ՄԻՊ-ն ընդունել է ԵԱՀԿ/ԺՀՄԻԳ դիտորդական առաքելության պատվիրակությանը
Իրանը կարող է ամերիկյան կործանիչների կողմից «Mahan Air»-ի ուղևորատար օդանավին մոտենալու գործով ՄԱԿ-ի Միջազգային դատարան դիմել
Քաղաքականություն
26.07.2020 | 16:10
Իրանը կարող է ամերիկյան կործանիչների կողմից իրանական «Mahan Air» ավիաընկերության ուղևորատար օդանավին մոտենալու գործով ՄԱԿ-ի Միջազգային դատարան դիմել։ ԻՌՆԱ-ի փոխանցմամբ՝ ասյ մասին հայտարարել է Թեհրանի համալսարանի միջազգային իրավունքի ամբիոնի պրոֆեսոր Յուսեֆ Մոլաին։
«Քաղաքացիական ավիացիայի միջազգային կոնվենցիայի (հայտնի է նաև որպես Չիկագոյի կոնվենցիա) անդամ բոլոր երկրները պարտավոր են ապահովել ոչ ռազմական օդանավերի թռիչքների անվտանգությունը»,- ասել է նա։
Հիշեցնենք՝ հուլիսի 23-ի երեկոյան Սիրիայի երկնքում երկու կործանիչ մոտեցել է իրանական Mahan Air ավիաընկերության ուղևորատար ինքնաթիռին, որն ուղևորվում էր Լիբանան։ Այն հաջողությամբ վայրէջք է կատարել Բեյրութի օդանավակայանում, սակայն վիրավորվել է երեք ուղևոր, ինչպես նաև անձնակազմի մի քանի անդամ: Ըստ իրանական ինքնաթիռի օդաչուի՝ կործանիչներն ամերիկյան էին։ Դեպքը տեղի է ունեցել Սիրիայի օդային տարածքում։
Նշենք, որ ԱՄՆ Կենտրոնական հրամանատարությունը հաստատել էր, որ ԱՄՆ ՌՕՈՒ-ի F-15 կործանիչներն իրանական օդանավին ուղեկցել էր մեկ կիլոմետր հեռավորության վրա՝ միջազգային նորմերը հաշվի առնելով։
Ի պատասխան ամերիկյան կողմի պնդումների, թե կործանիչը չի սպառնացել ուղևորատար օդանավի անվտանգությունը, Մոլաին ասել է, որ այդ պնդումները ոչ մի ընդհանուր բան չունի միջազգային իրավունքի հետ։
«ԱՄՆ-ն սպառնացել է երրորդ երկրում թռիչքների անվտանգությունը, այն դեպքում, երբ հենց այդ երկրում ամերիկյան զինվորականների ներկայությունը հարցականի տակն է»,- ամփոփել է իրանցի պրոֆեսորը։
