13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Մոսկվայի ոստիկանությունը հայերի և ադրբեջանցիների միջև բախումների ևս 9 մասնակցի է ձերբակալել
Հասարակություն
25.07.2020 | 13:41
Մոսկվայի ոստիկանությունը հայերի և ադրբեջանցիների միջև բախումների ևս 9 մասնակցի է ձերբակալել։ Այս մասին ՏԱՍՍ-ին հայտնել են ՌԴ ՆԳՆ Մոսկվայի գլխավոր վարչության մամուլի ծառայությունից։
«Ոստիկանության աշխատակիցները հակաիրավական գործողություններ կատարելու կասկածանքով 9 մարդու են ձերբակալել։ Հուլիսի 24-ին Մոսկվայի տարածքում քաղաքացիների միջև կոնֆլիկտային իրավիճակներ են գրանցվել։ Մասնավորապես, տղամարդուն մարմնական վնասվածքներ են հասցվել, խանութի ապակիներ են վնասվել։ Մեկ այլ միջադեպի ընթացքում անհայտ անձինք կոտրել են սրճարանի և ավտոլվացման կետի ապակիները, ինչի արդյունքում այցելուներից մեկը վնասվածք է ստացել»,- ասել են ոստիկանությունում։
Նշվում է, որ քրեական գործ է հարուցվել՝ ՌԴ Քրեական օրենսգրքի 213-րդ հոդվածի 2-րդ մասի հատկանիշներով (մի խումբ անձանց կողմից իրականացված խուլիգանություն)։
Ոստիկանությունում նաև ընդգծել են, որ անհապաղ կասեցնելու են հանրային կարգի խախտման ցանկացած դրսևորում, իսկ իրավախախտներին օրենքով նախատեսված կարգով պատասխանատվության են ենթարկելու։
Նշենք, որ հունիսի 23-ի ուշ երեկոյան Մոսկվայի ադրբեջանցիները հարձակումներ են գործել հայերի վրա։ Համացանցում հայտնված տեսանյութերից մեկում երևում է, թե ինչպես են մի քանի ադրբեջանցիներ հարվածում հայկական համարանիշերով մեքենայի վարորդին, ջարդուխուրդ անում մեքենան։ Նախօրեին էլ ադրբեջանցիները հարձակումներ են գործել հայերի և հայկական օբյեկտների վրա։ Ավելի վաղ հաղորդվել է, որ հայերի և ադրբեջանցիների միջև բախումների արդյունքում 25 մարդ է ձերբակալվել։
