01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
18-ից բարձր ստացած 6 դիմորդների հնարավորություն կտվի սովորել առկա․ ի՞նչ է առաջարկել փոխնախարարը բուհ չընդունված դիմորդներին
Հասարակություն
24.07.2020 | 18:25
Այսօր տեղի է ունեցել ընդունելության քննությունների արդյունքում բարձր միավորներ ստացած, բայց բուհ չընդունված դիմորդների ծնողների և ԿԳՄՍ փոխնախարար Գրիշա Թամրազյանի հանդիպումը։ Այս լրագրողների հետ զրույցում հայտնել է քննարկման մասնակից ծնողներից Մասիս Բաբալյանը։
Փոխնախարարն առաջարկել է 18-ից բարձր միավորից ստացած 6 դիմորդների սովորել առկա, բայց ոչ իրենց նշած իրավաբանական ֆակուլտետում, այլ միջազգային հարաբերություններ բաժնում։ Փոխնախարարը նաև առաջարկել է դիմորդներին՝ նույն գնահատականներով մասնակցել հեռակա համակարգի մրցույթին այն մասնագիտությունների համար, որոնք ունեն հեռակա բաժին՝ հավելելով, որ մի քանի մասնագիտությունների (օրինակ՝ իրավաբանական, միջազգային) դեպքում հնարավոր չի լինի հետագայում հեռակայից տեղափոխվել առկա ուսուցման, որոշների դեպքում՝ հնարավոր է։
Թամրազյանը հայտնել է, որ հուլիսի 27-ին հստակ կարող են ներկայացնել, թե որ առարկայի համար հեռակա ուսուցման քանի տեղ կարող են ավելացնել և որը կլինի անցողիկ շեմը՝ ըստ մասնագիտության։
Քննարկման մասնակից ծնողի խոսքով՝ պատրաստվում են խնդրին լուծում տալ՝ դիմելով դատարան։
«Մեր պահանջն է, որ դիմորդները ստացիոնար բաժնում սովորեն, հեռակայի մասին ընդհանրապես չենք ուզում լսել»,- նշեց նա։
