19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Մոսկվայում հայերի վրա հարձակված ավելի քան 50 ադրբեջանցի ձերբակալվել է. Ռուսաստանի հայերի միություն
Քաղաքականություն
24.07.2020 | 16:34
Իլհամ Ալիևն ու Բյուլ-Բյուլ օղլին ամեն բան անում են՝ Ռուսաստանը Սումգայիթի վերածելու համար։ Նրանց ձեռքի տակ ընկած հրոսակներ գիշերը Ռուսաստանի Դաշնության մայրաքաղաք Մոսկվայում սկսել են հարձակվել հայերի վրա, ընդ որում՝ հայի հետ շփոթել և ծեծել են նաև մեկ ադրբեջանցու։ Այս մասին ասվում է Ռուսաստանի հայերի միության (ՌՀՄ) տարածած հայտարարությունում։
Աղբյուրի տեղեկացմամբ՝ Մոսկվայի հատուկ նշանակության ջոկատը մեկ գիշերվա ընթացքում ձերբակալել է 50-ից ավելի ադրբեջանցիների, որոնք մասնակցել են հայերի ծեծին: Նրանց խուլիգանության և ազգամիջյան թշնամանք հրահրելու մեղադրանքներ կառաջադրվեն։
Ռուսաստանի հայերի միությունը մշտական կապի մեջ է ուժային կառույցների հետ և հետևողական է լինելու, որպեսզի պատասխանատվության ենթարկեն ոչ միայն այդ հանցագործությունները կատարողներին ու հրահրողներին, այլև ոգեշնչողներին:
«Խնդրում ենք այս օրերին զգոն լինել և, միաժամանակ, չտրվել սադրանքներին։ Ադրբեջանցիների վայրագությունների և նրանց կողմից կազմակերպվող ջարդերի մասին տեղեկություններ են գալիս նաև աշխարհի այլ երկրներից»,- ասվում է ՌՀՄ հայտարարությունում։
