18.11.2024 | 09:50
Սասուն Խաչատրյանը հրաժարականի դիմում է ներկայացրել. Կոմիտեն պաշտոնապես հաստատեց
Սա պետք է լուծի սահմանադրության հարատևության հարցը, որ ամեն իշխանություն չփորձի իր համար երաշխիքներ ստեղծել․ Դավիթ Ամիրյան. ՏԵՍԱՆՅՈՒԹ
Քաղաքականություն
24.07.2020 | 15:20
Սահմանադրության փոփոխությունները պետք է լուծեն նաև այդ սահմանադրության հարատևության հարցը, որ ամեն 5 տարին մեկ, կամ ամեն իշխանություն իր գնալուց կամ գալուց առաջ չփորձի իր համար որոշակի երաշխիքներ ստեղծել։ Այս մասին այսօր «Գործընկերություն հանուն բաց հասարակության» նախաձեռնության կազմակերպած սահմանադրական բարեփոխումների վերաբերյալ առցանց քննարկման ժամանակ ասաց «Բաց հասարակության հիմնադրամներ-Հայաստան» գրասենյակի ծրագրերի գծով փոխտնօրեն Դավիթ Ամիրյանը։
Վերջինիս խոսքով՝ կոնսենսուսը պետք է լինի քաղաքացու ու պետության միջև․ «Քաղաքացի, որը ունի իր ապագա երկրի տեսլականը, և նաև ասում ենք՝ ինչ չի ուզում տեսնի։ Ինքը չի ուզում տեսնի առաջինից չորրորդ դասարանի երեխաների 35 տոկոսի գրել-կարդալ չիմանալը, չի ուզում տեսնի, որ ինչ-որ մի բանից ելնելով կա խտրականություն կամ խտրական վերաբերմունք՝ կլինի դա եկեղեցու, հավատքի, գենդերային ինքնության, ազգային պատկանելության, ինչ-որ մի փիլիսոփայական գաղափարի հետևորդ լինելու տեսակետից և այլն։ Այս գաղափարները եթե քննարկվել են ՝ առանց որևէ իրավական ձևակերպումներ փորձել գտնելու և որոշվել է, որ այս գաղափարները պետք է լինեն Սահմանադրության հիմքում, դրանից հետո իրավական ձևակերպումներ տալու հետ կապված փակ աչքերով կհամաձայնեի»,- նշեց Ամիրյանը։
Մանրամասները՝ տեսանյութում։
