21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Ցանկացած այլ դատարան պետք է իրավունք ունենա օրենքը հակասահմանադրական ճանաչել․ Արմեն Մազմանյան. ՏԵՍԱՆՅՈՒԹ
Քաղաքականություն
24.07.2020 | 14:13
Բարձրագույն դատական մարմինների միավորման դեպքում կստեղծվի մի դատարան, որը և՛ իրավունքի հարցեր կարող է լուծել, և՛ միաժամանակ այլ արդյունավետ միջոցներ կիրառել։ Այս մասին այսօր «Գործընկերություն հանուն բաց հասարակության» նախաձեռնության կազմակերպած սահմանադրական բարեփոխումների վերաբերյալ առցանց քննարկման ժամանակ ասաց սահմանադրագետ Արմեն Մազմանյանը։
«Կոնցեպտի հիմքում ոչ միայն բարձրագույն դատարանների միացումն է, այլ նաև մեկ այլ առանցքային առաջարկություն, որ բոլոր այլ դատարանները, բացի սահմանադրական կամ բարձր այլ դատարանից, պետք է իրավունք ունենան օրենքը հակասահմանադրական ճանաչել, և մենք դրանով երաշխավորում ենք այն մեխանիզմը, որ եթե այսպես արվի, ապա այդ որոշումը մեխանիկորեն կուղղվի բարձրագույն դատարանին։ Սրանով մենք ի՞նչ հարց ենք լուծում։ Ֆունդամենտային խնդիր, որ հիմա գոյույթուն ունի, դա այն է, որ սովորական բոլոր դատարանները կտրված են Սահմանադրությունից և դա պայմանավորված է ոչ միայն իրավական կրթությամբ, այլ նաև հենց Սահմանադրական դատարանը մնացած դատարաններից տարանջատելուց»,- նշեց Մազմանյանը։
Վերջինս նաև անդրադարձավ կառավարման ձևին և պարլամենտական կառավարման ընտրությանը․ «Այս պահին միգուցե ավելի կարևոր նկատառում պետք է լինի այն, որ մենք մեր կառավարման համակարգը պարբերական և շատ ռադիկալ սթրեսների չենթարկենք։ ի վերջո, որքան էլ մենք ասենք, որ, այո, կիսանախագահականը ավելի նախընտրելի կլիներ իդեալական կոնտեքստում կամ հատկապես 2015-ին, այնուամենայնիվ, պարլամենտական համակարգը մի կառավարման ձև է, որի պայմաններում ժողովրդավարական ինստիտուտների զարգացումը առավելապես երաշխավորված է, և կարծում եմ՝ մեզ համար լավագույն ընտրությունն է»,- նշեց Մազմանյանը։
Մանրամասները՝ տեսանյութում։
