19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Բարձրագույն դատական մարմինների միավորման հայեցակարգը հանրային քննարկումների կարիք ունի․ Եղիշե Կիրակոսյան․ ՏԵՍԱՆՅՈՒԹ
Քաղաքականություն
24.07.2020 | 11:42
Սահմանադրական փոփոխությունների հանձնաժողովում դատական բարեփոխումների շուրջ քննարկումները հիմնականում եղել են բարձրագույն դատական մարմինների միավորման հայեցակարգի շուրջ։ Այս մասին այսօր ասաց Սահմանադրական բարեփոխումների մասնագիտական հանձնաժողովի նախագահ Եղիշե Կիրակոսյանը՝ «Գործընկերություն հանուն բաց հասարակության» նախաձեռնության կազմակերպած սահմանադրական բարեփոխումների վերաբերյալ առցանց քննարկման ժամանակ։
«Առաջարկվում է միավորել 2 դատական մարմինները 1 դատական ատյան ստեղծելով՝ պայմանականորեն այն անվանելով Գերագույն դատարան։ Գաղափարն այն է, որ միավորվեն սահմանադրական վերահսկողության գործիքները և բարձրագույն դատական մարմնի գործառութային տրամաբանությունը»,- նշեց հանձնաժողովի նախագահը։
Եղիշե Կիրակոսյանի խոսքով՝ այս հարցում հանձնաժողովի ներսում եղել են քննարկումներ, տարաձայնություններ, որոշվել է, որ այս հարցով կդիմեն նաև միջազգային փորձագետի։
Նա նշեց, որ բարձրագույն դատական մարմինների միավորման հարցը կդրվի նաև հանրային քննարկման։
Մանրամասները՝ տեսանյութում։
