21.05.2026 | 11:16
Մայիսի 25-ից 28-ը կլինեն երթևեկության սահմանափակումներ․ ՆԳՆ
Անկարան չի փոխում քաղաքականությունը․ Թուրքիայի ԱԱԽ-ն Ադրբեջանին սատարող հայտարարություն է արել
Քաղաքականություն
23.07.2020 | 17:09
Թուրքիայի նախագահ Ռեջեփ Թայիփ Էրդողանի նախագահությամբ հուլիսի 22-ին գումարված ազգային անվտանգության խորհրդի նիստի արդյունքում հերթական հակահայկական հայտարարությունն է ընդունվել, փոխանցում է ermenihaber-ը։
«Խստորեն դատապարտում ենք Ադրբեջանի հողերը տարիներ շարունակ ապօրինաբար զավթած Հայաստանի ագրեսիան, որը խաթարում է խաղաղությունն ու ոտնահարում միջզգային իրավունքի նորմերը», – ասված է Թուրքիայի ԱԱԽ հայտարարությունում։
Թուրքիայի անվտանգության խորհուրդը հայտարարել է նաև, որ Հայաստանը պետք է անհապաղ լքի «ադրբեջանական հողերը», ինչպես նաև՝ անվերապահ աջակցություն է հայտնել «եղբայրական» Ադրբեջանին։
Նշենք, որ Թուրքիայի ԱԱԽ հայտարարության մեջ անդրադարձ է կատարել նաև Թուրքիայի օրակարգում գտնվող այլ երկրների՝ Սիրիայի, Իրաքի, Լիբիայի և Կիպրոսի հիմնախնդիրներին։ Նկատենք, որ հիշյալ բոլոր հիմնախնդիրներում Թուրքիան ունի ռազմական ներգրավվածություն։
