01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Կառավարության դիմաց հավաքված դիմորդները պահանջում են հանդիպում վարչապետի հետ
Հասարակություն
23.07.2020 | 13:28
Կառավարության առջև են հավաքվել բուհ չընդունված դիմորդներն ու նրանց ծնողները, ովքեր դժգոհ են ընդունելության նոր կարգից։ Նրանք հայտարարեցին, որ ԿԳՄՍ նախարարությունը չի պատրաստվում լուծել դուրս մնացած դիմորդերի հարցը և կոչ արեցին վարչապետ Նիկոլ Փաշինյանին՝ ընդունել և լսել իրենց։
Դիմորդներից մեկը նշեց, որ չեն պատրաստվում հետ կանգնել իրենց պահանջից․ «Վարչապետը եթե չընդունի մեզ, կարող եմ ասել, որ բուհ չավարտած վարչապետը չի թողնում 2020 թվականի դիմորդներին բուհ ընդունվել»,- նշեց դիմորդը։
Մի քանի անգամ «ամոթ» վանկարկելուց և ոստիկանության գնդապետի՝ հավաքին բնորոշ կոչեր չհնչեցնելու պահանջից հետո բողոքի ակցիայի մասնակիցները երթով շարժվեցին ԿԳՄՍ նախարարություն՝ հանձնելու իրենց նամակ-առաջարկը։
Հիշեցնենք, որ բուհերի ընդունելության նոր կարգով մրցույթի ժամանակ առաջնահերթություն է տրվել ոչ թե տվյալ առարկայի գնահատականին, այլ՝ հայտի առաջին տողում մասնագիտությունն ընտրելուն։
Մանրամասները՝ տեսանյութում։
