12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Սյունիքից դիմորդին ասել, որ Շիրակի համալսարանում կա թափուր տե՞ղ․ անընդունելի է․ Սոֆյա Հովսեփյան․ ՏԵՍԱՆՅՈՒԹ
Հասարակություն
23.07.2020 | 13:09
Ինչպե՞ս կարող ենք Սյունիքում ապրող դիմորդին ասել, որ Շիրակի պետական համալսարանում թափուր տեղեր են մնացել, գնա այնտեղ ընդունվիր։ Այսօր նման հարց բարձրացրեց «Իմ քայլը» խմբակցության պատգամավոր Սոֆյա Հովսեփյանը «Ինչպե՞ս գնահատել դիմորդներին. հայտի և գիտելիքի գնահատման խնդիրը» քննարկման ժամանակ։
«Ես չեմ հասկանում՝ ինչպես ենք մոտենում այս հարցին։ Հիմա ինչպե՞ս կարող է իրավագիտության թափուր տեղի համար Սյունիքի մարզից եկած երեխան գնալ Շիրակի մարզ։ Կոմունիկացիայի առումով բավականին բարդ է։ Չէ՞ որ այդ երեխան չունի ուղիղ տրանսպորտ, մի քանի անգամ շատանում են ծախսերը՝ լինելով Շիրակի մարզում։ Մենք չունենք այդ ենթակառուցվածքներն այսօր»,- նշեց Հովսեփյանը։
Պատգամավորի խոսքով՝ ԳԹԿ-ն ռիսկերը պետք է հաշվի առներ․ «Թեև երեկ վստահեցրին, որ իրենք գիտեին՝ նման բան կարող է լինել, այդ դեպքում ավելի վատ է, երբ գիտեին ու չէին կանխում: Քանի որ բոլորը գիտեին ու մի շարք հարցերի շուրջ աչք էին փակել, թերացել էին կամ չէին հասցրել, ապա պետք է առավելագույն լուծումներ գտնեին, որպեսզի այդ երեխաները չհայտնվեին այդ իրավիճակում»:
Մանրամասները՝ տեսանյութում։
