17.12.2025 | 16:05
ՆԱՏՕ-ի գլխավոր քարտուղարի տեղակալը վաղը Հայաստան կայցելի
105 համայնքներում մոտ 260 կմ ոռոգման համակարգերի նորոգում կիրականացվի․ Ջրային կոմիտեի նախագահ․ ՏԵՍԱՆՅՈՒԹ
Հասարակություն
23.07.2020 | 11:18
Այս տարի նախատեսվում է իրականացնել հիմնանորոգման աշխատանքներ բոլոր ջրօգտագործող ընկերություններում։ Այս մասին այսօր ասուլիսի ժամանակ հայտնեց Ջրային կոմիտեի նախագահ Կարեն Սարգսյանը։
«Ջրագծերի նորոգում, հիդրոտեխնիկական կառույցների նորոգում, խորքային հորերի, պոմպակայանների նորերի ձեռքբերում, հների նորոգում։ 105 համայնքներում մոտավորապես 260 կմ ներտնտեսային և միջտնտեսային համակարգերի նորոգում և կառուցում կիրականացվի»,- մանրամասնեց Սարգսյանը։
Նա նշեց, որ այս տարին սակավաջուր է եղել և Սևանա լճից ջրառ է իրականացվել մոտավորապես 19 միլիոն խորանարդ մետրով ավելի՝ նախորդ տարվա համեմատ։
«Ամեն դեպքում՝ մեր պլանները, որ թույլ է տրված 170 միլիոն խորանարդ մետր ջրառ իրականացնել Սևանից, կփորձենք ամեն ինչ անել՝ հավելյալ ջրառի առիթ չունենալու համար»,- նշեց Ջրային կոմիտեի նախագահը:
Մանրամասները՝ տեսանյութում։
