30.04.2026 | 17:50
Նահանջ՝ 16 տեղով. ինչու է ՀՀ-ն զիջել դիրքերը մամուլի ազատության ինդեքսում․ ՏԵՍԱՆՅՈՒԹ
«Միջուկային զենք ունեցող խելագար է», «Նա խաղում է իր ռումբերի հետ, ինչպես խաղալիքների»․ Թրամփն ու Դուտերտեն՝ Կիմ Չեն Ընի մասին․ WP
Քաղաքականություն
24.05.2017 | 10:49
ԱՄՆ նախագահ Դոնալդ Թրամփը Ֆիլիպինների նախագահ Ռոդրիգո Դուտերտեի հետ ապրիլ ամսին կայացած հեռախոսազրույցի ժամանակ Հյուսիսային Կորեայի առաջնորդ Կիմ Չեն Ընին անվանել է «միջուկային զենք ունեցող խելագար». գրում է Washington Post-ը։
«Հյուսիային Կորեայի վերջին հրթիռային փորձարկումները ձախողվել են, և դա լավ նորություն է»,- զրույցի ընթացքում նշել է Թրամփը։ Ի պատասխան Դուտերտեն ասել է, որ «Կիմ Չեն Ընը խաղում է իր ռումբերի հետ, ինչպես խաղալիքների»՝ հավելելով, որ «նրա ուղեղը լավ չի աշխատում և ինչ-որ մի պահի կարող է խելագարվել»։
«Մենք չենք կարող թույլ տալ միջուկային զենք ունեցղ խելագարին ազատության մեջ լինել։ Մենք ավելի շատ զենք ունենք, քան նա, 20 անգամ ավելի, սակայն մենք չենք ուզում այն օգտագործել»,- ասել է Թրամփը։
