19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
Մեքենայի վրա հարձակված շներն ագրեսիվ վարք չեն ցուցաբերել․ «Թափառող կենդանիների վնասազերծման կենտրոն» ՀՈԱԿ-ի պարզաբանումը դեպքի վերաբերյալ
Հասարակություն
22.07.2020 | 17:00
«Թափառող կենդանիների վնասազերծման կենտրոն» ՀՈԱԿ-ն այսօր ահազանգ էր ստացել Երևանի բնակչից այն մասին, որ թափառող շների մի խումբ վնասել է բակում կայանված իր ավտոմեքենան։
Factor.am-ի հետ զրույցում ՀՈԱԿ-ի մամուլի պատասխանատու Լաուրա Հակոբյանն ասաց՝ ահազանգին ընթացք է տրվել, հանդիպել են մեքենայի սեփականատիրոջ հետ։
«Ահազանգին ընթացք է տրվել, դեպքի վայր է ժամանել ՀՈԱԿ-ի ղեկավար Հրաչյա Աղաբեկյանը՝ մանրամասներին ծանոթանալու համար։ Վնասված ավտոմեքենայի սեփականատիրոջ խոսքով՝ տեսանյութում երևացող շներն ագրեսիվ վարք չեն ցուցաբերել։
Քաղաքացու ենթադրությամբ՝ կենդանիների նման պահվածքը կարող է պայմանավորված լինել մեքենայի տակ կատվի առկայությամբ։ ՀՈԱԿ-ի տնօրինությունը և մեքենայի սեփականատերը, պահպանելով համագործակցային մթնոլորտը, կփորձեն ՀՈԱԿ-ի գործառույթների շրջանակում համատեղ լուծում գտնել ստեղծված իրավիճակում»,- պարզաբանեց Հակոբյանը։
Անժելա Պողոսյան
