11.06.2026 | 17:11
ԱՄՀ գործադիր տնօրենը շնորհավորել է վարչապետ Փաշինյանին՝ ընտրություններում հաղթանակի առթիվ
Սիգի որսի համար պետությունը տալիս է կանոններ, և սահմանում վերահսկողություն․ Ոսկեհատ Գրիգորյան. ՏԵՍԱՆՅՈՒԹ
Հասարակություն
22.07.2020 | 13:09
Սիգի օրինական ճանապարհով օգտագործման կանոններն արդեն հաստատված են։ Այս մասին այսօր հրավիրված ասուլիսի ժամանակ հայտնեց Շրջակա միջավայրի նախարարության Բնության հատուկ պահպանվող տարածքների և կենսաբազմազանության քաղաքականության վարչության պետի ժամանակավոր պաշտոնակատար Ոսկեհատ Գրիգորյանը։
«Սահմանվել է սիգի օգտագործման չափաքանակը, նաև որսի բնութագրերը՝ կետ առ կետ նշելով սիգի գտագործման ենթակա չափը, որսի ենթակա ձկնատեսակը պետք է լինի առնվազն 500 գրամ, որսագործիքների չափերը, ցանցերը պետք է ունենան 40 մմ-ից ոչ պակաս կառուցողական չափ, մուտքի, ելքի տեղամասեր են սահմանված, հստակ լողամիջոցների համար՝ թվով 17-ն են, որտեղ յուրաքանչյուր մուտքի, ելքի տեղամասում տեսուչը մատյանավարությամբ է իրականացնելու իր հսկողական աշխատանքը։ Դա նշանակում է, որ ամեն լողամիջոց ֆիքսվելու է օրով, ժամով, որսորդի տվյալներով։ Որսը կազմակերպվելու է օրվա լուսավոր ժամերին, այնուհետև, լճից դուրս գալուց հետո, հաշվելու են որսված ձկան քանակը, ֆիքսվելու է մատյանում և յուրաքանչյուր լողամիջոցի մուտքի, ելքի մասով նմանատիպ տեղեկությունը հավաքագրվելու և փոխանցվելու է նախարարություն»,- նշեց Գրիգորյանը։
Մանրամասները՝ տեսանյութում։
