19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ռուստամ Բադասյանը՝ Կարեն Անդրեասյանին և Արտակ Զեյնալյանին ՍԴ դատավոր ընտրելու մասին․ ՏԵՍԱՆՅՈՒԹ
Քաղաքականություն
22.07.2020 | 12:37
Սահմանադրական դատարանի մասին օրենքի փոփոխություններին հաջորդող քայլեր չկան: Այս մասին լրագրողների հետ զրույցում նշեց ՀՀ արդարադատության նախարար Ռուստամ Բադասյանը՝ անդրադառնալով նրան, որ այսօր ԱԺ նախագահ Արարատ Միրզոյանը ստորագրել է նշված օրենքը:
Նա ընդգծեց, որ սահմանադրական փոփոխություններից հետո ՍԴ երեք դատավորները՝ Ավինա Գյուլումյան, Հրանտ Նազարյան և Ֆելիքս Թոխյան, այլևս ՍԴ դատավորներ չեն:
Ինչ վերաբերում է ՍԴ դատավորի թեկնածուներին, Բադասյանն ասաց. «Երբ ՍԴ դատավորի թեկնածուն կընդգրկվի Կառավարության համապատասխան նիստում, կտեսնեք, որ Կառավարությունը թեկնածու ունի արդեն: Քանի դեռ նման բան նիստում ընդգրկված չէ, նշանակում է՝ Կառավարությունը թեկնածու չունի: Կան սկզբունքներ, թե ինչ ճանապարհով, մեր կարծիքով, պետք է ՍԴ-ի և առհասարակ դատական մարմինների ձևավորումը տեղի ունենա: Թեկնածուները պետք է հնարավորինս ապաքաղաքական անձինք լինեն և այնպիսի անձինք, որոնք կարող են ապահովել դատական իշխանության անկախությունը իրենց մասնակցությամբ: Ես չեմ կարող ասել, թե ում թեկնածություններն են դիտարկվում: Վստահ չեմ կարող ասել՝ հուլիսի վերջին, թե օգոստոսի սկզբին, բայց կարծում եմ՝ այդ ժամանակներում կլինի»:
Մանրամասները՝ տեսանյութում:
