12.10.2026 | 20:30
Վճարովի արձակուրդ՝ նորածնի հոր համար․ իրավունք, որի մասին շատերը չգիտեն. ՏԵՍԱՆՅՈՒԹ
ԲԴԽ դատավոր անդամի թափուր տեղի համար 3 թեկնածու է առաջադրվել
Քաղաքականություն
22.07.2020 | 12:19
Բարձրագույն դատական խորհրդի (ԲԴԽ) դատավոր անդամի թափուր տեղի համար 3 թեկնածու է առաջադրվել։ Այս մասինն տեղեկանում ենք ԲԴԽ տարածած հաղորդագրությունից։
««Հայաստանի Հանրապետության դատական օրենսգիրք» սահմանադրական օրենքի 76-րդ հոդվածի 4-րդ և 5-րդ մասերի կարգավորումների ուժով` Դատական դեպարտամենտի ղեկավարի կողմից սույն թվականի հուլիսի 9-ին ծանուցագրեր են ուղարկվել Բարձրագույն դատական խորհրդի դատավոր անդամ ընտրվելու իրավունք ունեցող Վճռաբեկ դատարանի քաղաքացիական և վարչական պալատի 9 դատավորի:
Վճռաբեկ դատարանի քաղաքացիական և վարչական պալատից ստացվել է Բարձրագույն դատական խորհրդի դատավոր անդամի թեկնածուների 6 դիմում՝ իրենց անունները քվեաթերթիկում չներառելու մասին»,- ասվում է հաղորդագրությունում:
Նշենք, որ Խորհրդի դատավոր անդամի թափուր տեղի համար առաջադրվել են Սուրեն Ռաֆիկի Անտոնյանը (Վճռաբեկ դատարանի քաղաքացիական և վարչական պալատ), Գոռ Գագիկի Հակոբյանը (Վճռաբեկ դատարանի քաղաքացիական և վարչական պալատ) և Ստեփան Կարոյի Միքայելյանը (Վճռաբեկ դատարանի քաղաքացիական և վարչական պալատ):
