Հասարակություն
22.07.2020 | 11:56Սևանա լճում 2018 թվականից սկսած ծաղկման պրոցեսները շարունակվում են, և դա սկսվում է յուրաքանչյուր տարի հունիսի վերջերց՝ տևելով մինչև օգոստոսի կեսերը։ Այս մասին այսօր ասուլիսի ժամանակ նշեց Շրջակա միջավայրի նախարարության «Հիդրոօդերևութաբանության և մոնիտորինգի կենտրոնի» փոխտնօրեն Գայանե Շահնազարյանը։
«Այս տարի ևս անմասն չենք մնացել այդ բացասական երևույթից։ Մի փոքր ուշացումով՝ հուլիսի սկզբին սկսվել է ծաղկման պրոցեսը, որը կտևի 2-3 շաբաթ։ Օգոստոսի կեսերին կունենանք դրա հետևանքների նվազեցումը։ Սևանա լճում այս երևույթները հետևանք են արդեն նախորդ դարից սկսած Սևանա լճի մակարդակի իջեցման, որի հետևանքով ամբողջությամբ խախտվել է Սևանի էկոհամակարգի հավասարակշռությունը»,- նշեց Շահնազարյանը։
Նրա խոսքով՝ 2020 թվականի հուլիսի 21-ին լճի մակարդակը կազմել է 1978 մետր, որը, նախորդ տարվա նույն օրվա համեմատ, ցածր է 3 սմ-ով։
Մանրամասները՝ տեսանյութում։
